[i55o]

DE LA VILLE DE PARIS.

211

CCXX [CLXIX]. — Pour l'ouverture du pont levis de Nesle.

3 mai i55o. (Fol. 186 v°.)

Du 111^e jour de May mil v^c cinquante.

Veue par nous, Prevost des Marchans et Eschevins de la Ville de,Paris, la requeste à nous faicte et presentée par les habitans du faubourg Sainct Germain des Prez, tendant à ce que le pont levys de Nesle soit ouvert pour y passer, à tout le moings à pied et achevai, sans charrettes, et ordonner aux passeurs et basteliers de passer les gens dud. faulxbourg à mesure qu'ilz arriveront, sans garder rang et ordre acoustumé, pour les causes contenues en lad. requeste; sur laquelle nous aurions ordonné qu'elle seroit monstrée et communiquée au Procureur du Roy et de lad. Ville. Après laquelle ordonnance, lesd, supplians se seroient retirez par devers le Roy nostre sire et auroient obtenu lettres patentes, dont la teneur ensuit :

Lettres patentes. « Henry, par la grace de Dieu, Roy de France. A noz amez et feaulx les Prevost des Marchans et Eschevins de nostre bonne Ville de Paris, salut et dillection. Receue avons l'humble supplication de noz amez les manans et habitans du faulxbourg Sainct Germain des Prez lez nostredicte ville, et les mou-noyers de noz monnoyes besongnans ordinairement en nostre hostel de Nesle'", contenant que, de tout temps et antienneté, entre les portes de nostredicte Ville y en ayt deux fort propres et aisées pour entrer et sortir de nostredicte Ville aud. faulxbourg, l'une appellée de Bucy, l'autre le pont levys du pont de Nesle, lesquelles sont demeurées closes et fermées dès et depuis le temps des guerres, par lesquelles led. faulxbourg fut ruyné et reduit en terre labourable, mesmes à l'endroit desd, deux portes, et jusques à ce que le feu Roy. nostre pere, que Dieu absolve, voyant son peuple de Paris estre par sucession de temps tellement creu et multiplié qu'il estoit très difficille d'y trouver plus maisons à vendre ne louer, pour y demeurer, et congnoissant led. bourg estre lieu fort sain, commode et bien aéré, et pour donner occasion d'y habiter, auroit ordonné

lad. porte de Bucy estre ouverte et le pont d'icelle estre réparé et reffaict, pour y passer et rappasser ordinairement, comme l'on faict par les autres portes de nostredicte Ville, et ce aux despens et des deniers commungs d'icelle; et à ceste fin, vous auroit envoyé ses lettres de commission et mandement exprès, suyvant lesquelles et son voulloir auriez dès lors faict ouvrir et aproprier lad. porte de Bucy'²', où de present l'on passe ordinairement;

"Au moyen de quoy et que nostredict feu pere pretendoit semblablement faire ouvrir led. pont levys de Nesle, lequel est joignant nostre hostel de Nesle, le long du quay des Augustins, et fort commode pour nosdictz monnoyers et habitans dud. Sainct Germain, plusieurs notables personnages, tant de nostre court de Parlement, du Grant Conseil, noz officiers domestiques, gens d'église, et autres de tous estatz, y ont basty et ediffié plusieurs belles maisons, èsquelles ilz sont demourans, et qui décorent et embellit (sic) grandement nostredicte Ville. Pour crainte et reverence desquelz et de justice, beaucoup de gens mal vivans qui s'i soulloient retirer et habiter, ont esté contrainctz en vuider et habondonner led. faulxbourg, lequel est aujourd'uy l'ung des plus beaulx que autres de nostre Royaulme.

"Lesquelz supplians nous ont très humblement supplié et requis voulloir faire ouvrir led. pont levys de Nesle, qui leur est très aisé et commode, el ce en la mesme façon et maniere que a esté lad. porte de Bucy, pour y passer et rappasser ordinairement, comme l'on faict par les autres portes de nostredicte Ville, à pied età cheval seullement, sans ce que aucunes charrettes ni chevaulx, chargez de marchandise subgecteà imposition,ypuissentpasser; et pour ce faire, leur octroyer noz lettres de provision, ordonnance et declaration à ce necessaires;

«Pour ce est il que nous, inclinans liberallement à la supplication et priere desd, supplians, après ce que avons veu led. pont levys et eu sur ce l'avys de plusieurs grans personnages estans lez nous, en nostre Privé Conseil, avons voullu, ordonné et

'" La nouvelle Monnaie créée à l'hôtel de Nesle n'était installée que depuis quelques jours seulement. L'édit d'institution de ce second atelier monétaire parisien porte qu'on n'y fabriquera que des pièces de six blancs. Il est daté de Fontainebleau, le 25 mars i55o (n. s.) et fut enregistré à la Cour des Monnaies, Ie 2 août suivant. Voy. Fontanon, Edits et Ordonnances, 1. II, p. i4o.

'2) L'on a vu, au commencement du present volume (p. 4), que François 1" ordonna la réouverture de la porte de Bucy par lettres patentes, données à Compiègne le 26 septembre 153g, et que les travaux furent ajournés au mois de mars suivant.

27.